အဆုတ်ကင်ဆာဆိုသည်မှာ

အဆုတ်ကင်ဆာဆိုသည်မှာ 

   အဆုတ် ကင်ဆာ ဆိုသည်မှာ အခြား ကင်ဆာများ ကဲ့သို့ပင် ခန္ဓာကိုယ် အဆုတ် အတွင်းရှိ ဆဲလ်များ ထိခိုက်ပြီး ပုံစံ ပျက်ယွင်းခြင်း ကြောင့် အဆုတ်တွင် ဖြစ်သော ကင်ဆာ ရောဂါ တစ်မျိုး ဖြစ်သည်။ ပုံမှန် အားဖြင့် ဆိုလျှင် ခန္ဓာကိုယ် သည် လိုအပ်သော ဆဲလ် အရေအတွက် ကိုထိန်း ထားပြီး လိုအပ်သည့် အချိန် ကျမှသာ ဆဲလ် အသစ်ပွား ခြင်းကို ပြုလုပ် သည်။ ထိုစနစ်ကို ထိခိုက် စေသော အခါတွင်မူ ဆဲလ်ပွားခြင်း၊ ပုံမှန် မဟုတ်သော ဆဲလ်များ ဖြစ်လာခြင်း တို့ကြောင့် Tumour (အလုံး၊ သို့မဟုတ် အကြိတ်) ဖြစ်လာ စေသည်။ ကင်ဆာကြိတ် ဖြစ်ပါက လျင်မြန်စွာ ကြီးထွား နိုင်ပြီး စတင် ဖြစ်ပေါ်သည့် အဆုတ် အပြင် အခြား သော ကိုယ်အင်္ဂါများ ကိုပါ ထိုးဖောက် ရောက်ရှိ ပျံ့နှံ့စေသည်။
     အဆုတ် ကင်ဆာ ဆဲလ်များ အဓိက အများဆုံး ပျံ့နှံ့သည့် နေရာများ မှာ အသည်း၊ ဦးနှောက်၊ အရိုး တို့ဖြစ်သည်။ အဆုတ် ကင်ဆာ သည် အဆုတ်၏ မည်သည့် အစိတ်အပိုင်းတွင် မဆို ဖြစ်စေ နိုင်သည်။ သို့ သော် ၉၀-၉၅ ရာခိုင်နှုန်း မှာမူ လေပြွန် အဝင်အထွက် ပေါက်များတွင် ကာရံထားသည့် Epithelial များတွင် အများဆုံး ဖြစ်နိုင်သည်။

အဆုတ်ကင်ဆာဖြစ်ပွားမှုနှုန်း
     အဆုတ် ကင်ဆာသည် ကမ္ဘာ ပေါ်တွင် လူ အများဆုံးကို သေစေ နိုင်သော ကင်ဆာ ရောဂါ ဖြစ်သည်။ လေ့လာ ဆန်းစစ်ချက် များအရ အဆုတ် ကင်ဆာ သည် အသက် ၆၅ နှစ် အထက်တွင် ဖြစ်ပွားမှု နှုန်းမှာ ၇၀ ရာခိုင်နှုန်း အထိ ရှိပြီး အသက် ၄၅ နှစ်အောက် ဖြစ်ပွားမှု နှုန်းမှာမူ ၃ ရာခိုင်နှုန်း ခန့်သာ ရှိသည်ကို တွေ့ရှိ ရသည်။
     ၁၉၃၀ ပြည့်နှစ် မတိုင်မီက အဆုတ် ကင်ဆာ ဖြစ်ပွားမှု နှုန်းမှာ နည်းပါး သော်လည်း ဆေးလိပ် သောက်သုံးမှု နှုန်းမြင့်မား လာသည် နှင့် အမျှ ကင်ဆာ ဖြစ်ပွားမှု နှုန်းမှာ မြင့်တက် လာခဲ့သည်။ အဆုတ် ကင်ဆာ ဖြစ်ပွားမှု နှုန်းလျော့နည်း စေရန် အတွက် ဆေးလိပ် သောက်ခြင်းကြောင့် ဖြစ်စေ တတ်သော နောက်ဆက်တွဲ ဆိုးကျိုးများ ကိုအသိပေး၊ ပညာပေး အစီအစဉ် များပြုလုပ် နေသော်လည်း အဆုတ် ကင်ဆာသည် အဖြစ် အများဆုံး ကင်ဆာ ရောဂါ အဖြစ် ရှိနေဆဲ ဖြစ်သည်။
အဆုတ်ကင်ဆာဖြစ်စေသည့်အကြောင်းအရင်းများ
ဆေးလိပ်သောက်ခြင်း
     အဆုတ် ကင်ဆာ ဖြစ်စေသည့် အဓိက အကြောင်း အရင်း တစ်ခု ဖြစ်သည်။ အဆုတ် ကင်ဆာ ဖြစ်ပွားမှု နှုန်း၏ ၉၀ ရာခိုင်နှုန်းမှာ ဆေးလိပ် သောက်သုံးခြင်း ကြောင့်ဖြစ်သည်။ ဆေးလိပ်တွင် ဓာတု ပစ္စည်း ပေါင်း လေးထောင် ကျော်ခန့် ပါဝင်ပြီး အများစုမှာ ကင်ဆာ ဖြစ်စေသည့် အမျိုးအစား များဖြစ်သည်။ ထို အထဲတွင် Nitrosamine နှင့် Polycyclic Aromatic Hydrocarbon တို့သည် ကင်ဆာ ဖြစ်စေ နိုင်သော အဓိက ဓာတု ပစ္စည်းများ ဖြစ်သည်။
ဆေးလိပ်ငွေ့ရှုရှိုက်မိခြင်း (Passive Smoker)
     Passive Smoking ၊ သို့မဟုတ် ဆေးလိပ်ငွေ့ ရှူရှိုက်မိ ခြင်း၊ တစ်နည်းအားဖြင့် ဆိုသော် ဆေးလိပ် သောက်သုံးသူနှင့် အနီး ကပ်နေထိုင် သူများတွင် လည်း အဆုတ် ကင်ဆာ ရောဂါကို ဖြစ်ပွားစေ နိုင်သည်။ ဆန်းစစ်ချက် များအရ ဆေးလိပ်ငွေ့ ရှူမိ ခြင်းကြောင့် ဆေးလိပ် မသောက်သုံး သော်လည်း အဆုတ် ကင်ဆာ ရောဂါ ဖြစ်ပွားမှု နှုန်းမှာ ဆေးလိပ် သောက်သုံးသည့် ပတ်ဝန်းကျင် တွင် မနေထိုင်ရ သူများထက် ၂၄ ရာခိုင်နှုန်း ခန့် ပိုမိုကြောင်း တွေ့ရှိရသည်။
ကျောက်ဂွမ်းအမှုန် (Asbestos Fibers)
     သတ္တု တူးဖော်ရေး လုပ်ငန်း များနှင့် လုပ်ငန်းခွင် များတွင် အများဆုံး တွေ့ကြုံ ရင်ဆိုင် ရသော ကျောက်ဂွမ်း အမှုန်များသည် အသက်ရှူ သောအခါ အဆုတ် အတွင်းသို့ ရောက်ရှိပြီး ကာလရှည် ထိုဒဏ်ကို ခံရပါက အဆုတ် ကင်ဆာကို ဖြစ်ပွား စေနိုင်သည်။ ထိုကဲ့သို့ သော လုပ်ငန်းခွင် အတွင်း လုပ်ကိုင်ကြသော အလုပ်သမားများ သည် ဆေးလိပ် သောက်သုံးပါက အဆုတ်ကင်ဆာ ဖြစ်ပွားမှု နှုန်းကို ပိုမို မြင့်မား စေသည်။
မျိုးရိုးလိုက်ခြင်း (Familial Predisposition)
     အဆုတ် ကင်ဆာ ဖြစ်ပွားမှု တွင် မျိုးရိုးလိုက်ခြင်း သည်လည်း အကြောင်းအရာ တစ်ခု အဖြစ် ပါဝင် နေသည်။ မျိုးရိုးဗီဇ (Gene) ပေါ်တွင် မူတည်ပြီး မိဘဘိုးဘွား များတွင် အဆုတ် ကင်ဆာဖြစ်ပွား ခဲ့သူရှိပါက ဖြစ်နိုင်ခြေ ရာခိုင်နှုန်း ပိုမြင့်မား သည်ကို တွေ့ရှိရသည်။
အဆုတ်ရောဂါများ
     အဆုတ် တွင် အနာဖြစ်ခြင်း၊ အဆုတ်ရောင်ခြင်း၊ ကုသမှု ခံယူပြီးသော အဆုတ် ကင်ဆာ အစရှိသည့် အဆုတ် ရောဂါများ ဖြစ်ပွား ခဲ့ဖူးပါက အဆုတ် ကင်ဆာ ဖြစ်နိုင်ချေ ရာခိုင်နှုန်း များနိုင်သည်။
အဆုတ်ကင်ဆာရောဂါလက္ခဏာများ
     အဆုတ် ကင်ဆာ ဖြစ်ပွား သူများ၏ ၂၅ရာခိုင်နှုန်း သည် Chest X-ray ၊ သို့မဟုတ် CT-scan တွင် ကင်ဆာကြိတ် စတင် တွေ့ရှိချိန် တွင်မူ မည်သည့် ရောဂါ လက္ခဏာမှ ခံစားရခြင်း မရှိချေ။
ကင်ဆာရောဂါလက္ခဏာများ
     အခြားသော ကင်ဆာ များကဲ့သို့ပင် ချောင်းဆိုးခြင်း၊ အသက်ရှူ ကျပ်ခြင်း၊ ရင်ဘတ် အောင့်ခြင်း၊ ချောင်းဆိုး သွေးပါခြင်း၊ ပခုံးအာရုံကြော များနာခြင်း၊ အစာ မျိုချရ ခက်ခြင်း အစရှိ သည်တို့ကို ခံစားရ နိုင်သည်။
ကင်ဆာဆဲလ်များပြန့်ပွားခြင်းကြောင့်ဖြစ်စေနိုင် သော လက္ခဏာများ
     ကင်ဆာ ဆဲလ်များသည် အရိုးသို့ ပြန့်ပွားပါက အရိုးနာခြင်း၊ အောင့်ခြင်းတို့ ဖြစ်စေနိုင် သကဲ့သို့ ဦးနှောက်သို့ ပြန့်ပွားပါက အမြင် ဝေ၀ါးခြင်း၊ ခေါင်းကိုက်ခြင်း၊ တက်ခြင်း၊ လေဖြတ်ခြင်း တို့ကို ဖြစ်စေနိုင်သည်။
အခြားသော လက္ခဏာများ အနေဖြင့် ကိုယ်အလေးချိန် ကျခြင်း၊ အားနည်းခြင်း၊ ပင်ပန်း လွယ်ခြင်း၊ စိတ်ဓာတ်ကျခြင်း အစရှိသည် တို့ကို လည်း ဖြစ်စေနိုင်သည်။
မည်သည့်အချိန်တွင် ဆရာဝန်နှင့်တိုင်ပင်ဆွေးနွေး သင့်သနည်း
- ချောင်းဆက်တိုက်ဆိုးခြင်း
- ချောင်းဆိုးသွေးပါခြင်း
- ရင်ဘတ်အောင့်ခြင်း
- ကိုယ်အလေးချိန်အချိန်တိုအတွင်းကျဆင်းခြင်း
- အလွယ်တကူပင်ပန်းလွယ်လွန်းခြင်း
- အသက်ရှူကျပ်ခြင်း၊ အသက်ရှုရခက်ခဲလွန်းခြင်း
     အစရှိသည့် လက္ခဏာများ ခံစားရပါက သက်ဆိုင်ရာ ဆရာဝန်နှင့် တိုင်ပင်ပြီး ကုသမှု ခံယူ သင့်သည်။ အဆုတ် ကင်ဆာ ရောဂါကို ကုသရာတွင် ရောဂါ အဆင့် အလိုက် မူတည်ပြီး ခွဲစိတ် ကုသခြင်း (Surgery) ၊ဓာတ်ရောင်ခြည် ဖြင့် ကုသခြင်း (Radiotherapy) ၊ ဆေးသွင်း ကုသခြင်း (Chemo-therapy) အစ ရှိသည့် နည်းလမ်းများ ဖြင့် ကုသ နိုင်သည်။
အဆုတ်ကင်ဆာကိုမည်ကဲ့သို့ကာကွယ်မည်နည်း
     ဆေးလိပ် သောက်သုံးခြင်းသည် အဆုတ် ကင်ဆာ ရောဂါ ဖြစ်စေနိုင်သည့် အဓိက အကြောင်းအရင်း တစ်ရပ် ဖြစ်စေနိုင် သဖြင့် ဆေးလိပ် မသောက်သုံးခြင်းသည် အဓိက ကျသော ကာကွယ်မှု တစ်ရပ် ဖြစ်သည်။ ဆေးလိပ် ဖြတ်လို သူများသည် နီကိုတင်း ပါဝင်သော ပီကေ၊ အငွေ့၊ ရူဆေးများ ကိုအသုံးပြုပြီး ဆေးလိပ် ဖြတ်သင့်သည်။ ထို့အတူ သူတစ်ပါး သောက်သုံးသော ဆေးလိပ်ငွေ့ များကို မရှူမိ စေရန်လည်း သတိပြု သင့်သည်။ အလုပ်ခွင် အတွင်း တွင်လည်း သက်ဆိုင်ရာ လုံခြုံ စိတ်ချမှု ရှိစေမည့် အဆောင် အယောင်များ ဝတ်ဆင်ပြီး အလုပ်လုပ် သင့်သည်။ ကင်ဆာ ရောဂါ ဖြစ်ပွားမှုကို အစပိုင်း အဆင့်များတွင် စောစော သိနိုင်ပါက ကုသမှုအောင်မြင်ခြေ ရာခိုင်နှုန်း ပိုမိုမြင့်မား သဖြင့် ကျန်းမာရေး စစ်ဆေးမှု များကို စနစ်တကျ ပြုလုပ် သင့်သည်။
     ကမ္ဘာ တစ်ဝန်းတွင် ကင်ဆာ ရောဂါဖြစ်ပွားမှု နှုန်းသည် တစ်နေ့ထက် တစ်နေ့ ပိုမို မြင့်မား လာမှုကြောင့် သက်တမ်း စေ့နေထိုင် နိုင်ရေး အတွက် အထူးဂရုပြု နေထိုင် သင့်ပေသည်။